चोपड्यात कत्तलीच्या उद्देशाने बांधून ठेवलेली ५ जनावरे जप्त; एकावर गुन्हा दाखल
चोपडा: शहरातील शेतपुरा भागात कत्तलीच्या उद्देशाने ५ जनावरे बांधून ठेवल्याचा प्रकार उघडकीस आला आहे. या प्रकरणी चोपडा शहर पोलीस ठाण्यात एका व्यक्तीवर गुन्हा दाखल करण्यात आला आहे.
मिळालेल्या माहितीनुसार, २६ जून २०२६ रोजी सायंकाळी १८:३० वाजेच्या सुमारास शेतपुरा भागातील उर्दू शाळेमागील परिसरात ही कारवाई करण्यात आली. आरोपी आहदअली मोहेबअली सय्यद (वय ५६, रा. शेतपुरा, चोपडा) याच्या मालकीच्या मोकळ्या जागेत ५ जनावरे कत्तलीच्या उद्देशाने बांधून ठेवल्याचे आढळून आले.
या जनावरांची एकूण किंमत ३,००,००० रुपये असून, पोलीस प्रशासनाने ती जप्त केली आहेत. या प्रकरणी चोपडा शहर पोलीस ठाण्यात महाराष्ट्र प्राणी संरक्षण अधिनियम १९७६ (२०१५ पर्यंत सुधारणेसह) कलम ५(अ), ५(ब) आणि ९ अन्वये गुन्हा दाखल करण्यात आला आहे. पुढील तपास पोलीस उपनिरीक्षक श्यामकांत धनगर करत आहेत.
मुख्य संपादक : सचिन जयस्वाल
