चोपडा तालुक्यातील ज्वारी उत्पादक शेतकऱ्यांची बियाणे कंपनी कडून फसवणूक शेतकऱ्यांना नुकसान भरपाई द्या शेतकरी संघटना
चोपडा(प्रतिनिधी):- चोपडा तालुक्यातील वर्डी येथील ज्वारी उत्पादक शेतकरी साहेबराव फकीरा पाटील, वासुदेव पंडित पाटील, कैलास सोनू पाटील, पांडुरंग माधराव धनगर तसेच साहेबराव शंकर पाटील आदी शेतकऱ्यांनी हायटेक हायब्रीड सीड्स या कंपनीचे ३२०६ हे वान पेरले होते वेळेवर खत व्यवस्थापन कीटकनाशक पाणी व्यवस्थापन करूनही ज्वारीच्या कणसांना दाणेच भरलेले नाहीत यांच्यासह तालुक्यातील बऱ्याच शेतकऱ्यांच्या शेतात हाच प्रकार दिसून येत आहे तरी संबंधित शेतकऱ्यांची कृषी विभागाने दखल घेऊन संबंधित कंपनीवर कारवाई करून शेतकऱ्यांना १००% नुकसान भरपाई मिळवून द्यावी अशी मागणी शेतकरी संघटनेचे जिल्हाध्यक्ष संदीप पाटील, किरण गुजर उपजिल्हाध्यक्ष, सचिन सोनवणे तालुकाध्यक्ष, विनोद धनगर प्रगतशील शेतकरी, गणेश पाटील प्रभाकर शिंदे भुषण पाटील गुणवंत पाटील सागर पाटील अविनाश शिंदे यांनी केली आहे कृषी विभागाने तत्काळ दखल घ्यावी अन्यथा शेतकरी संघटना रस्त्यावर उतरेल असा इशारा संदीप पाटील यांनी दिला आहे.
संदीप पाटील
शेतकरी संघटना, जिल्हा अध्यक्ष, जळगाव
हायटेक सिडस् विभागीय व्यवस्थापक यांच्याशी संपर्क साधल्यानंतर उडवाउडवीची उत्तरे देत आहेत कंपनी आपली जबाबदारी झटकत आहे तरी कृषी विभागाने याची दखल घेऊन संबंधित कंपनीवर कारवाई करून शेतकऱ्यांना नुकसान भरपाई द्यावी
मुख्य संपादक : सचिन जयस्वाल
