शिवजयंती निमित्त रक्तदान शिबिराचे यशस्वी आयोजन
चोपडा येथील मल्हारपुरा भागात शिवजन्मोत्सव समिती व जय भवानी मंडळ, मल्हारपुरा यांच्यातर्फे शिवजयंतीनिमित्त भव्य रक्तदान शिबिराचे आयोजन करण्यात आले होते. कोरोनाच्या पार्श्वभुमीवर शासकीय आवाहनाला सकारात्मक प्रतिसाद देऊन मल्हारपुरा परिसरातील तरुणांनी एकत्र येऊन यावर्षी शिवजयंती निमित्ताने निघणारी मिरवणूक रद्द करून त्याऐवजी रक्ताच्या गरजेला प्राधान्य देऊन इंडियन रेड क्रॉस सोसायटी संचलित आसकरण ताराचंद जैन रक्तपेढी च्या माध्यमातून भव्य रक्तदान शिबिराचे आयोजन करण्यात आले. प्रथम प्रा. डी बी देशमुख, डॉ. सुरेश पाटील, गिरीष आप्पा पाटील, रमेश शिंदे, प्रमोद पाटील, सुनील पाटील, दीपक पाटील, महेंद्र पाटील, प्रा. डॉ. शैलेश वाघ, भटू पाटील, नरेंद्र बाविस्कर, हिरालाल माळी व अनेक मान्यवरांच्या हस्ते छत्रपती शिवराय व राजमाता जिजाऊ यांच्या प्रतिमेला माल्यार्पण करून रक्तदान शिबिराचे उद्घाटन करण्यात आले.
सदर रक्तदान शिबिरात चाळीसपेक्षा अधिक स्त्री व पुरुष यांनी रक्तदान केले. रक्तपेढी च्या माध्यमातून प्रत्येक रक्तदात्यास एक लाखाचे विमा संरक्षण यानिमित्ताने देण्यात आले. रक्तदान शिबिराला नगरपरिषद गटनेते जीवन चौधरी शिवसेना तालुकाप्रमुख राजेंद्र पाटील नगरसेवक किशोर चौधरी व मान्यवरांनी भेट दिली. नवीन समाजोपयोगी उपक्रम राबविल्याने परिसरातील नागरिकांनी आयोजक तरुणांचे अभिनंदन केले. रक्तदान शिबिराच्या यशस्वी आयोजनासाठी मयूर पाटील, रोहन वाघ, खिलेश पाटील, मनीष शिंदे, सोहन पाटील, रुपेश पाटील, सौरभ पाटील, विजय माळी, मनीष पाटील, मोहित पाटील, किर्तीराज पाटील, भावेश पाटील, कपिल वाघ, भूषण महाजन यांनी परिश्रम घेतले.
मुख्य संपादक : सचिन जयस्वाल
