साकळी येथील आयडीबीआय बँकेचे कर्मचारी यांचा प्रामाणिकपणा
दिड लाखांचे सोने केले परत ग्राहक…
महाराष्ट्र 9न्यूज नेटवर्क आजच्या युगात देखील माणुसकी व प्रामाणिकपणा आहे याचे उत्तम उदाहरण जळगाव येथील तरुण साकळी आय डी बी आय बँकेचे कर्मचारी राहूल ठाकूर यांना चुंचाळे येथिल बँकेचे ग्राहक साहेबराव रामदास पाटील हे वयोवृद्ध व्यक्ती बँकेत गोल्ड लोन साठी गेले होते मात्र बँकेत गर्दी खुप असल्याने व वयोमानानुसार ते गोल्ड लोन साठी आणलेले सोने ते राहूल ठाकूर यांच्या टेबलावर विसरून घरी निघून आले ही बाब दोन तासानंतर गोल्ड लोन कर्मचारी राहूल ठाकूर यांच्या लक्षात येताच त्यांनी कोणतेही विलंब न करता त्यांना स्वताहून फोन करून याबाबतची माहिती सांगितली व ते सोन्याचे दागिने सिल करून आपल्या कपाटात ठेवले असुन, आपले सोन्याचे दागिने सुरक्षित असल्याचे माहीती मिळताच त्यांनी गोल्ड लोन कर्मचारी राहूल ठाकूर यांचे शाल श्रीफळ व पुष्पगुच्छ देऊन सत्कार केला व त्यांचे आभार मानले त्यांच्या या प्रामाणिकपणाचे साकळीसह परीसरात कौतुक होत आहे.
त्यांच्या या प्रामाणिकपणाचे कौतुक शाखाधिकारी सतीश पाटील, बँक कर्मचारी अनिल बानाईत,चुंचाळे पोलीस पाटील गणेश पाटील, वसंत महाजन,शारदा माध्यमिक व उच्च माध्यमिक विद्यालयाचे कार्य अध्यक्ष सुभाष महाजन, यावल खरेदी विक्री संघाचे संचालक सुनिल नेवे चुंचाळे,माजी ग्रा.प.सदस्य दिपक नागो पाटील, डॉ सुनिल पाटील साकळी, प्रगतीशिल शेतकरी विलास पाटील, पत्रकार चंद्रकांत नेवे,शिरसाड ग्रामपंचायत सदस्य तेजस पाटील, योगेश साहेबराव पाटील यांच्या सह परिसरातील बँकेचे ग्राहक यांनी त्यांचें कौतुक केले..
प्रतिक्रिया….
आमच्या बँकेच्या ग्राहकाचे बँकेत राहिलेले सोने मी प्रामाणिकपणे परत केलेले असून माझ्या या कृतीने बँक व ग्राहक यांचे नाते अधिकच दृढ होण्यास मदत निश्चितच मदत होणार आहे.माझ्या आई-वडिलांच्या संस्कारातूनच माझ्या अंगी प्रामाणिकपणा हा गुण मिळालेला असून या गुणामुळेच माझ्या हातून हे चांगले सत्कर्म घडले आहे याचा मला मनस्वी आनंद आहे.
श्री.राहुल ठाकूर(लोन ऑफिसर)
आयडीबीआय बँक,साकळी.
मुख्य संपादक : सचिन जयस्वाल
