प्रताप विद्यामंदिर चोपडा येथील गणेश दीपक महाजन या खेळाडूचा राज्यस्तरीय वेटलिफ्टिंग स्पर्धेत प्रथम, तर प्रज्ञा महाजन हिचा चतुर्थ क्रमांक…,गणेश महाजन ची राष्ट्रीय स्तरावर निवड…
प्रताप विद्यामंदिर चोपडा येथील वेटलिफ्टिंग खेळातील 19 वर्षे वयोगटाचा खेळाडू गणेश दीपक महाजन (12वी सायन्स)याने नुकत्याच ठाणे या ठिकाणी संपन्न झालेल्या राज्यस्तरीय शासकीय शालेय वेटलिफ्टिंग क्रीडा स्पर्धा प्रकारामध्ये 102 किलो वजनी गटात गोल्ड मेडल पटकावित प्रथम क्रमांक मिळविला. तर प्रज्ञा विनायक महाजन(12वी आर्टस) हिने 64 किलो वजनी गटात चतुर्थ क्रमांक पटकाविला. गणेश याने 102 किलो वजनी गटामध्ये 88 किलो स्नॅच व 108 किलो क्लीन अँड जर्क असे एकूण 196 किलो वजन उचलून गटात प्रथम क्रमांक मिळविला.
सदर गणेश याने मागील वर्षी झालेल्या राज्यस्तरीय स्पर्धेमध्ये ब्राँझ मेडल पटकाविले होते. तरी यावर्षीच्या प्रथम क्रमांक मिळवण्यासाठी व राष्ट्रीय स्पर्धेत पात्र होण्यासाठी गणेश याने वर्षभर कसून सराव केला. आपल्या शाळेचे, पालकांचे व शिक्षकांचे नाव उंच करीत सदर गणेश महाजन हा पुढे होणाऱ्या राष्ट्रीय स्पर्धेमध्ये महाराष्ट्र राज्याचे नेतृत्व करेल.
गणेश याला प्रताप विद्यामंदिर क्रीडा विभाग प्रमुख शसाहेबराव एस.पाटील (आप्पा सर) व क्रीडा शिक्षक श्री. नरेंद्र एन. महाजन सर यांचे मार्गदर्शन लाभले.
सदर वरील दोघेही खेळाडू यांच्या यशाबद्दल संस्थेचे अध्यक्ष,उपाध्यक्ष , चेअरमन,सचिव सर्व पदाधिकारी तसेच संस्थेचे समन्वयक आणि विद्यालयाचे मुख्याध्यापक,उपमुख्याध्याक, उपप्राचार्य,पर्यवेक्षक सर्व शिक्षक शिक्षकेतर कर्मचारी व विद्यार्थी यांच्या वतीने कौतुक करण्यात येत आहे.
मुख्य संपादक : सचिन जयस्वाल
