रोटरीच्या कायरोथेरेपी शिबिराचा ७५० रुग्णांना लाभ…
चोपडा वार्ताहर,
रोटरी क्लब ऑफ चोपडा यांच्यातर्फे आयोजित कायरोप्रॅक्टिस ट्रीटमेंट शिबिर शहरातील हरेश्र्वर कॉलनी येथील रोटरी भवन येथे संपन्न झाले. ७ दिवस चाललेल्या शिबिराचा तब्बल ७५० रुग्णांना लाभ झाला असून, अनेक रुग्णांना अनेक वर्षांच्या जुन्या दुखन्यापासून मुक्तता मिळाली आहे.
यावेळी शिबिरात कुठल्याही प्रकारची गुडघेदुखी, कंबरदुखी, मानदुखी, खांदेदुखी, सायटिका, ऍसिडिटी, पोट साफ न होणे या समस्यांनी ग्रस्त असलेल्या अनेक रुग्णांना सेवा देण्यात आली. कायरोप्रॅक्टिस थेरपीस्ट डॉ.संदीप नायक, डॉ. राजकुमार सिंगानिया आणि त्यांच्या टीमने सात दिवस सदर कॅम्प घेतला.
शरीराच्या नर्वस सिस्टीम आणि हाडांमध्ये आलेल्या त्रासाला ठीक करणाऱ्या या ट्रीटमेंटचा असंख्य रुग्णांनी लाभ घेतला. कुठल्याही प्रकारचे मेडिसिन अथवा औषध न देता दिल्या जाणाऱ्या थेरपीने जागेवर दुखणे थांबल्याने अनेकांनी रोटरी चे आभार मानले. या शिबिराचा समारोप सहाय्यक पोलिस निरीक्षक प्रशांत कंडारे, माजी अध्यक्ष पंकज बोरोले, सचिव अर्पित अग्रवाल,प्रकल्प प्रमुख लिना पाटील,एम डब्लू पाटील, नितीन अहिरराव, व्ही.एस.पाटील,रुपेश पाटील,ईश्वर सौंदांनकर,पवन गुजराती,संजय बारी,विपुल छाजेड,गौरव महाले, चंद्रशेखर कोष्टी, विलास कोष्टी,भालचंद्र पवार, विलास पी.पाटील,रमेश वाघजाळे, अरुण सपकाळे,प्रदीप पाटील,स्वप्नील महाजन,अविनाश पाटील यांच्या उपस्थितीत झाला.
सदर कार्यक्रमात काही गरीब व गरजु लोकांना कंबरेचे पट्टे मोफत देण्यात आले तर काही रुग्णांनी या शिबीरा माध्यमाने त्यांच्या व्याधिंपासून आराम मिळाल्या मुळे आपल्या मनोगतातून रोटरी चे आभार मानले
सदर शिबिरासाठी रोटरी क्लब चोपडाच्या सर्व सदस्यांनी परिश्रम घेतले. सूत्र संचालन संजय बारी तर आभार प्रदर्शन अर्पित अग्रवाल यांनी केले.
रोटरी क्लब चोपडाच्या वतीने आयोजित करण्यात आलेल्या शिबिरामुळे माझे अनेक वर्षांचे जुने दुखणे नाहीसे झाले. कायरोथेरेपीमुळे शरीराच्या विविध अवयवांचे दुखणे सहजरीत्या नाहीसे करता येऊ शकते. त्यामुळे सदर शिबिराचा लाभ घेतलेल्या सर्व रुग्णांच्या वतीने रोटरीचे आभार. – सोनल अग्रवाल –
मुख्य संपादक : सचिन जयस्वाल
