आदिवासी कुटुंबातील मुलाचे कॅन्सर उपचारासाठी तातडीने उपलब्ध करून दिली शिधापत्रिका…
वेले येथील श्री शिवदास रामदास सोनवणे यांची कुटुंबातील मुलीला कॅन्सर असल्याचे निदान झाल्यानंतर संबंधितांना आर्थिक अडचणीमुळे उपचारासाठी शिधापत्रिका ची आवश्यकता होती ,मात्र ती त्यांच्याकडे नसल्यामुळे त्यांनी शनिवार सुट्टी असताना तहसील कार्यालयामध्ये संपर्क साधला असता तहसीलदार भाऊसाहेब थोरात प्रभारी पुरवठा अधिकारी योगेश पाटील व संगणक चालक शशीकांत जमादार यांनी त्यांच्याकडून आवश्यक त्या कागदपत्रांची पूर्तता करून घेऊन त्यांना ई शिधा पत्रिका वितरित केली.
सदर ई शिधापत्रिका ही अन्नसुरक्षा योजनेसाठी पात्र असल्यामुळे त्या आधारे वैद्यकीय उपचार देखील घेणे शक्य होणार आहे. सदर प्रकरणातील मुलगी नंदिनीचे वय ११ वर्षे असून पुढील उपचारासाठी ती कुटुंबासह जळगावाला रवाना झाली आहे,
तेथील उपचार नंतर ती मुंबईला रवाना होणार आहे अधिकारी व कर्मचारी यांच्या तत्पुरतेमुळे संबंधित कुटुंबाचे कुटुंब प्रमुख व अन्य सदस्यांनी सहकार्याबद्दल प्रशासनाचे धन्यवाद व्यक्त केले आहेत…
मुख्य संपादक : सचिन जयस्वाल
