चोपड्यात अतिक्रमीत भिंत पाडल्याने वाद ; एकाने केले विष प्राशन ; पोलिसांकडे तक्रार अर्ज
चोपडा, (प्रतिनिधी)- शहरातील न. प. हद्दीत सुरु असलेले बांधकाम अचानक येऊन न. प.च्या कर्मचारी अधिकारी यांनी नगरसेवकाच्या सांगण्यावरून पाडल्याने वाद झाला यावेळी अतिक्रमण धारकास धमकावले म्हणून कंटाळून एकाने विष प्राशन केल्याची घटना आज दिनांक 5 रोजी घडली. याप्रकरणी पीडिताच्या पत्नीने चोपडा पोलिसात संबंधितांविरुद्ध गुन्हा दाखल व्हावा म्हणून अर्ज देखील दिला आहे.
या बाबत पोलिसात दिलेल्या तक्रार अर्जात म्हटलं आहे की, मौजे चोपडा येथील गा. न.11 मधील प्लॉट न.7 हा दत्तू धाकू मराठे यांच्या मालकीचा असून या प्लॉटच्या दक्षिण बाजूस तीन फुटाच्या न. पा. हद्दीत बांधकाम सुरु असलेली भिंत मुख्याधिकारी यांनी नगरसेवक यांच्या खोट्या माहितीच्या आधारावर जेसीबी आणून तोडून टाकली. दरम्यान मुख्यधिकारी, नगरपालिका कर्मचारी राजेंद्र बाविस्कर,हीतेंद्र देशमुख यांच्या चिथावणीवरून न. पा. अधिकारी, कर्मचाऱ्यांनी काही एकूण घेतले नाही. दरम्यान माझ्या पतीला धमकावले याचा मनस्ताप झाला म्हणून माझ्या पतीने विष प्राशन केले आहे. तरी या घटनेची चौकशी करून दोषींविरुद्ध गुन्हा दाखल करावा असा अर्ज सौ. सुनीता दत्तू मराठे यांनी दिला आहे.
याप्रकरणी कुठलीही पूर्वसूचना न देता, कुठलीही नोटीस न देता कारवाई केली असल्याचा आरोप तक्रारदार यांनी केला आहे
मुख्य संपादक : सचिन जयस्वाल
