सनपुले येथे कोरोना तपासणी शिबिर संपन्न
तालुका आरोग्य अधिकारी डॉ लासुरकर यांनी दिली भेट
चोपडा प्रतिनिधी:- चोपडा तालुक्यात कोरोनाने थैमान घातले आहे , शहरासह ग्रामीण भागात देखील दिवसेंदिवस मोठ्या संख्येने रुग्ण आढळत आहेत , या पार्श्वभूमीवर अनेक सामाजिक कार्यकर्ते आपापल्या प्रभागातील लोकांची कोरोनाची चाचणी तपासणी शिबीराचे आयोजन करीत आहेत . त्या पार्श्वभूमीवर तालुक्यातील सनपूले या गावात नागरिकांसाठी कोविड 19 तपासणी शिबिराचे आयोजन करण्यात आले होते
सदर शिबिरात 45 रुग्णांची तपासणी करण्यात आली पैकी 10 रुग्णांची चाचणी पॉझिटिव्ह आली असून 35 रुग्णांची चाचणी निगेटिव्ह आली आहे .सदर तपासणी वेळी मास्क , सोशल डिस्टन्स व सॅनिटाईजर या कोविडच्या नियमावलीचे पालन करून रुग्णांची तपासणी करण्यात आली .
सदर शिबिरात रुग्णांची तपासणी आरोग्य सेवक सुनिल महाजन ,आरोग्य सेविका छाया धनगर ,जयश्री मोरे यांनी केली तर सदर शिबिरास तालुक्याचे आरोग्य अधिकारी डॉ प्रदीप लासुरकर यांनी भेट दिली व उपस्थितांना कोरोनाला रोखण्यासाठी काय उपाययोजना कराव्यात , कोणत्या प्रकारची काळजी घ्यावी तसेच मास्क , सोशल डिस्टन्स व सॅनिटाईजर या तीन गोष्टी महत्त्वाच्या आहेत असे स्पष्ट केले . शिबिर यशस्वीतेसाठी शेतकरी संघटनेचे जिल्हा उपाध्यक्ष किरण गुर्जर यांचे मोलाचे सहकार्य लाभले .
मुख्य संपादक : सचिन जयस्वाल
