प्रशासनाने व्यापाऱ्यांना सहकार्य करावे , शिवसेनेतर्फे तहसीलदार व मुख्याधिकारी यांना निवेदन…
चोपडा प्रतिनिधी :—
शासनाने कोविड – १९ या आजाराच्या व प्रादुर्भावाचा विचार करता कडक लॉक डाऊन निर्बंध लागू केले आहेत तसेच अत्यावश्यक सेवा देणाऱ्या आस्थापने व दुकानांची वेळ सकाळी सात ते अकरा वाजेपर्यंत ठेवण्यात आली आहे . शासनाने ठरवून दिलेल्या नियमांचे व्यापारीवर्ग पालन करीत असल्याचे निवेदनात म्हटले आहे .
चोपडा शहरातील मेन रोड भागात व्यापाऱ्यांची दुकाने व निवास आहेत. खालच्या मजल्यात दुकाने व वरच्या मजल्यावर निवास आहेत . नगरपालिकेचे कर्मचारी व्यापाऱ्यांची दुकाने तपासणी करताना घराची पण चौकशी व तपासणी करतात त्यामुळे घरात राहणाऱ्या महिलावर्गात भीतीचे वातावरण निर्माण झाले असल्याचे निवेदनात म्हटले आहे. सदर लॉकडाऊन मध्ये व्यापाऱ्यांचे लाखो रुपयांचे नुकसान झाले आहे तरी आजपावेतो शासनस्तरावरून व्यापाऱ्यांना कोणत्याही प्रकारची मदत मिळाली नाही तसेच दुकाने व आस्थापनाची वेळ सकाळी आठ ते दुपारी एक वाजेपर्यंत करण्यात यावी अशीही मागणी निवेदनाद्वारे करण्यात आली आहे .
चोपडा शहरात गेल्या आठ दिवसांपासून मेन रोड परिसरातील व्यापाऱ्यांना नगरपालिकाचे कर्मचारी फार खालच्या दर्जाची वागणूक देत असल्याचा आरोप करण्यात आला आहे .सोबत दंडात्मक कारवाई करत होती म्हणून शिवसेना शहर उपप्रमुख प्रवीण जैन यांनी माजी आमदार प्रा चंद्रकांत सोनवणे यांना संपूर्ण माहिती कळविण्याचे बोलले जात आहे. या अनुषंगाने माजी आमदार प्रा चंद्रकांत सोनवणे यांनी तहसीलदार व मुख्याधिकारी यांना निवेदन देण्यास सांगितले असल्याचे शिवसेना कार्यकर्त्यांनी म्हटले आहे .
निवेदन देतेवेळी शिवसेना तालुका अध्यक्ष राजेंद्र पाटील , शहरप्रमुख आबा देशमुख ,नरेश महाजन , नगर पालिका पालिका विरोधी गटनेता महेंद्र धनगर , नगरसेवक महेश पवार ,युवा सेना तालुका अध्यक्ष गोपाल चौधरी , उपशहर प्रमुख प्रवीण जैन ,सुनील बरडिया , विपिन जैन , महाविर जैन आदी शिवसेना कार्यकर्ते उपस्थित होते …
मुख्य संपादक : सचिन जयस्वाल
